المدرسه...

سلاام
كيفكم شخباركم انشاء الله بخير
جايبه لكم موضوع عجبني ونقلته لكم أتمنى أنه يعجبكم
بس أمسكو نفسكم شوي لا تمووتون من الضحل
بسم الله توكلنا على الله..

إجتماع المدرسين...
المدير: شوفوا لكم حل بثالث جيم, فشلونا سمعتهم واصله اخر الدنيـا وجانا كم إنذار من وزارة التربية والتعليم كله بسبتهم.وبكرة بيجينا مـوجه مخصوص علشانهم.
الاستاذ فاروق الفستئاني (الفستقاني): (بلهجة سورية) شوووف استااااز تالت جييم مابيجي من ورا راسون إلا المشاكيــل ,انا بأتريـح (اقترح) توزعوا على المداريـس التانية, كل مدرسه ارمي عليها شي اتنين تلاتي وريح راساك أخـــي.
رائد الفصل (حسـنى شـمعة) ( لا شعوريا): نفصلهم !!!!وأبطل دروس خصوصية يعني وإلا إيـه!!!..أصـدي أنا عندي فكرة هايلة حتحسن صورتهوم أودام الموقـه (موجه) وحخليه يؤول إن كل الكلام اللي سمعو عنهم إشاعات
المدير: بس شوف ياحسني هذي اخر مرة لك انت وياهم والا فصلتهم كلهم واولهم انت. بشوف وش تسوي فيهم, وإلا هم وش بيسوون فيك
طابـور الصبـاح
مشهد طابور المدرسة الصباحي الطلاب صافين والمدرسين والمدير مع الموجه .
حسني شمعه ماسك ميكرفون الاذاعة المدرسية : والان الإزاعة المدرسيه لهازا اليوم مع ...تالت قيــــم.
المدير مستغرب للاستاذ فاروق: والله اللي فشلنا
فاروق فسـئاني باستغراب:" تالت جيــــم, العمــى" ويروح للاذاعة بسرعة
طلاب الطابور ضحك واستغراب يلتفتون على بعض وهم يقولون ثالث جيم... ثالث جيم. !!بيجيبون العيد
حسني الشمعة يعطي الميكرفون لعلي الدب . ويقول لهم:ياولاد زي مااتفئنا, وروهم انكو أد المسئولية
.
الإذاعـة المـدرسـية
على الدب يجرب الميكرفون: الو الو ..اخوه سعد المعصقل من وراه "حول حول"
علي الدب :" مدير المدرسة الفاضل, أبائي المدرسين, إخواني العيال: سعد ابو عصاقيل،سليمان العربجي, وممدوح القرد وابو ريحه .. الاستاذ فاروق يضرب علي الدب على رقبته من ورى طااااخ:إحكي ولاه
على الدب: السلام عليكم ورحمة الله وبركاته , أسـعد الله صباحكم باليـمن والبركات, خير ما نستهل به اذاعتنا لهذا اليوم ايات عطرة من القران الكريم يتلوها على مسامعكم الطالب : حمود المطوع.
يجي حمود المطوع (لحية و ثوب قصير) ويقرا سورة قصيرة بصوت رخيم.
علي الدب: اما الان مع فقرة هل تعلم للطالب حميدان أبو ريحة
حميدان بصوت عالي: هل تدري.
هل تدري إن للذبابة ستة أعين.
هل تدري وإلا ماتدري إن الفار يصيب بمرض الطاعون.
هل تدري وإلا ماتدري أن اذا قطعت شوارب الصرصور يقعد يخبط في الجدران
هل تدري وإلا ماتدري أن لكل قطو برميل زبالة مخصص يسكن فيه وشكـرا.
علي الدب : هل تدري ان بيت حميدان جنب البلدية, أما الان مع حكمة اليوم والطالب سلوم المفهي
سلوم المفهي يقرب.. يمسك الميكرفون بيد واليد الثانية في مخباه تحوس يدور الورقة اللي فيها حكمة اليوم. يطلع الورقه ويقول: "حكمة اليوم " ويفتح الورقة ويقرا بصوت عالي " البضاعة المباعة لاترد ولاتسبدل" يسكت شوي ويناظر الورقة ويكمل " شماغ , طاقيتين, شراب العايلة , ثلاث فنايل علاق, , سروال سنة.." وهو جالس يقرا ألا وذاك الكف على رقبته من الاستاذ فاروق وهو يقول:" العمى شو حمااار...ولاه طلع الورأه (الورقه) ياللي فيها حكمة اليوم مو فاتورة ملابســاك" سلوم المفهي:طيب طيب..يدخل فاتورة ملابسة بمخباه
بعددها تكملة انتظروني
===================
علي الدب :"الاَن مع موضوع الصباح للطالب:" أخوي سعد أبوعصاقيل"
سعد يفتح ملف أخضر علاق ويقرا,
"اعزائي المشاهدين , موضوع حلقة اليوم العطلة الصيفية (مـدمن فضائيات)
"لقد رحنا في العطلة الصيفية أنا وأهلي إلى بلدي الثاني لبنان"
علي الدب: تراه كذاب, بالعـطلة رحنا لخـوالي بشـقراء.
سعد يلتفت إلى علي الدب بزعل ويكمل" ولكن علي الدب لم يكن معنا" ويطلع لسانه لعلي الدب
رحنا بالطيارة و كانت امي خايفه جدا جدا لانها اول مرة تركب طيارة , بس انا اصلا دايما اركبها, وفي الطيارة جت شغالة الطيارة وجابت لنا القهوه والشاي ثم جت وقالت اقلطوا على العشاء , وقلطنا في المقلط مع العفش, وكان الطيار واقف على روسنا ماسك اللبن وقال سموا على عشاكم,يالله إن تحييكم, وكان مطفحا شهيا. وخلصنا وغسلنا, وكان مساعد الطيار ماسك الفوطة والطيب وأعواد الاسنان.
وعندما وصلنا لمـطار المـلك خـالد حقهم, ذهبت انا لتختيم الجوازات والرخصة والاستمارة وذهبت امي للتطبيق , وكنت اتحدث لغتهم بطفاقة لان امي وابي مامعهم لغة. وقال لي العسكري : جواز مين هيدا ؟.. فقلت له" بييَ (ابوي باللبناني) , وقال: "وهيدا؟" قلت: مييَ (أمي) . وهيدا ؟ قلت" خييَ (أخوي " ) وقال " وهيدا؟" قلت : نييَ (أنا) " وكان جوازي
وقال لي ابوي: ماشالله عليك ياوليدي إنك بلبل سداح في اللغة اللبنانية الفصحى, التفت عليه وقلت له: أي لا كــان , ثم التفت للبـنـانـي وقلت له: تـرى أنا سـعودي مانيب زيكم, وشكله كان مستغرب يحسبني لبناني.
وفي لبنان سكننا في مدينة بيروت مشيط وكانت مدينة جميله فيها مـزارع بكل مكان, ولم اشوف عندهم تـراب، تمشينا في مناطقها
السياحية واسـواقها, ذهبـنا الى اللبنانيـة,والحـريرية (المملكة والفيصلية). وركبنا كـورة الحـريرية(التيليفريك) وناظرنا جميع حـدود لبنان, ورأينا دولة إسـرائيل الملعونة, وكانت دولة صغيرة جـدا, ونـظرت للدول العربية والأسـلامية وجـدتها اكبر منها بألف مرة, ومدري كيف ناشبة بحلوقنا. وإنني أقترح على امين الدول العربية والإسـلامية سبـأ بـاهبـري, مادامها أقـوى منكم وعجـزتوا عنها وماعندكم إلا الدجـة بالاسـلحة, اسـتخـدموا السـلاح الخـلفي لـتوفرة عنـدنا بكثرة, فإني اقـترح, نـوصل جميع انابيـب الصرف الصحـي لدولنا ونـمـده لإسـرائيل, واضمن لـكم بـتغرق كلها بيوم واحـد. خـلونا نتجمع بس, والسلاح امره هين.
ورأيت دولا كثـيرة, وشفت دولة وماعرفتها, يوم دققت مكتوب عليها, بورسعيـد, وشفت المملكة العربية السـعودية الشـقيـقة (وش عنده اللبناني). وكانت حـدودها كثيـرة عرفتها من الخـط المتقـطع. ولكن للأسـف لم تـكن لبنان تـحدنا , وأنا أقترح نضمهم معنا في دول الخليج ونـدف اليـمن بـدالها.
ثم ذهبنا الى الاهرامات وكل واحد مننا ركب له على واحد, انا ركبت على الخنـصر , وأخـواني واحـد ركـب على البنصـر, وعلي الدب ركب على الوسـطى, يلتفت لعليان اجل رحنا لخوالي هـا.
" اما ابوي فركب على أبو الـهول لأنه يشبهه. وكانت رحلة سعيدة, ورجعنا بالسيارة ومررنا على تونس الخضراء, والسودان السوداء في الـطريق عبينا بنزين بعشرة لاننا فلسنا, وكملنا الـطريق الي أن وصلنا بالرفـاء والبنيـن.
وإلي اللقـاء في الحـلقـة القـادمـة.
علي الدب :" أما الان .." صوت جوال يدق من مخبا علي الدب ويطلع الجوال والميكرفون بيده وطبعا صوت المتصل واضح لان قريب من الميكرفون وكل الطابور يسمعونه
صوت حرمه: " ألو .."
علي الدب: " هـلا بهـالصـوت , ممكن نتعرف؟؟؟
الحرمة: " وجع يمصع ضلوعك .. أنا أمك حصيصة!!"
عليان بصوت مرتبك: " يمــه"
طلاب ثالث جيم اللي وراه:" اسم امه حصيصة ...اسم امه حصيصه ( بما فيهم اخوه سعد ابو عصاقيل)
علي الدب: يمـه شغلي الراديو, بتشوفينا انا وابوعصاقيل على قناة المدرسة إف إم.
حصيصة: الراديو مايشتغل, إنت ناسي إن دشنا خربان,علي, وراك سارق جوال ابوووك, أنا زاهمة عليه وطلعت لي إنت"
علي الدب: "مهوب أنا, أنا أصلا صار لي اسبوع ماشفت جوال ابوي"
حصيصة: اجل اللي تكلم منه وشو ؟؟!!
علي الدب:" هـذا مهوب أنا, أنا أخـوي سعـد
حصيصة: اشـوى احسبه إنت.
علي الدب يلتفت على سعد المعصقل : " إنت معلم إمي أن الجـوال مـعي يالحروش"
سعد يحاول يكلم امه في الجوال:" يمه يمه, حنا الحين في الاذاعة وإنتي على الهوا ..عندك مداخلة والا طبخة؟"
علي الدب:والان مع الشيـفة (الطباخة) أمي.
حصـيصـة: ماشيفة الا إنتم وابوكم , وتسـكر الخـط"
الاستاذ فاروق يسمك راس علي الدب وسعد المعصقل ويصكهم ببعض . طرااخ وياخذ الجوال:كمـل ولاه فورت الي دمـي.
علي الدب:" اما االان مع نشيدة الصباح وسليمان العربجي بعنوان "عصـفوري الصغير"
علي :سليمان وش عندك لابس بدلـة حمرا.
سليمان: لأني أول مرة امسك ميكرفون قدام الجماهير.
سليمان ياخذ المكرفون ويقول " أحـلى تحية لشباب ثالث جيم اللي على البيست, و أحلـى تحيـة للموجه والمدير وأحلى تحية للوكيل بغيابـه, وياشباب اللي يبغى اغنية يكتبها على منديل ويعطيها المدرسين يوصلونها لي..
سليمان العربجي:"أويــــــــلي, أويلـي , أويـلي أويـللللي "
" سـود العيــووووووون إكبـــــــــار ....,والشــامــة حـلــوووووة
" شـــــــايل جـمــال الكـووووون ...وباليــني بــلـوى "
يحط الميكرفون تحت ابـطة , ويقول" يلا كلنا سـوى.. ياثالث جيم"
هالعيون شلون املــــها سحر ذوبني بغزلهــا (يلتفت لصف أول) بوسه من عندك حبيبي تسوى عندي الدنيا كلها "
طلاب المدرسـة كلهم يرددون وراه ويغنون وتنقلب المدرسة مرقص وهيصة.
--------------------------------------------------
المدير بعصبية:" ماني قايلكم.. فشلتونا كله منك يا حصني (يقصد حسني) خلاص ضف وجهك انت وطلابك, مالقيت تحطهم في الاذاعة الا يوم جى الموجه, والله مايندرى وش بيصير فينا
ويدخل عليهم شاب سعودي في مقتبل العمر تظهر عليه علامات النشاط والحيوية (جنتلمان): "أنا المشرف الطلابي الجديد" جايكم من ادارة التعليم لحل مشاكل بعض الطلاب اللي عندكم"
المدير: "بس وهذي هي ,اقصد.. مدير المنطقه التعليمية ماأصدر معك قرار ..يعني نقل ..فصل ..سجن..تعزيز؟؟؟"
المشرف بإبتسامة: "لا ..وليه كل هذا, المسألة ومافيها ان الطلاب عندكم عندهم امكانيات وطاقة مهدره ماعرفنا كيف نستغلها في صالحهم, انا متابع موضوع ثالث جيم عندكم من بداية السنة واعرف ان عندهم طاقات جباره بس يبغي لها تتوجه التوجيه الصحيح, بس يحتاجون بعض الاهتمام والوقت, ماعندهم مواهب أو هوايات معينة؟
الاستاذ فاروق: " أيه بلا, عندون مواهب في اللعانة والاجرام"
المشرف: "لا, انا ابغى الاشياء المميزه فيهم ماحاولتوا تستغلونها في صالحهم وصالح المدرسة ومجتمعهم ووطنهم"
حسني شمعة: دول أبالسة
المشرف: "كل أنسان فينا لازم يكون مبدع في شي مهما كان,بس يبغي مين يكتشف هالعملاق اللي في داخله ويصقله, حتى لو ماكان ماهو مميز اكيد بيكون عنده هوايه لشي بتفيده وتفيد مجتمعه وتشغل وقته اذا عرفنا نستغلها"
المدير يرد وشكله تأثر بكلام المشرف:" كلامك منطقي
===========================
الهروب الكبير..
==========
المشرف مع الاستاذ حسني يراقبون طلاب ثالث جيم وهم يهربون من المدرسة , علي الدب, ياخذ الشناط والكتب , ويحذفها من الدريشة(الشباك) ويوصلها لبرى المدرسة من قوة الحذفة. سعد ابوعصاقيل يركض وينط على السور المرتفع ويجمع الكتب, ويقرب السيارة لهم. سلوم المفهي, هرب وجلس يرسم على الجدران صوركاريكاتيرية للمدير والمدرسين وعياراتهم.
حسني للموجه: زي مانت شايف سعاتك(سعادتك)...حئولك إيه وإلا ايـه دول مقرمين(مجرمين) محترفين.
المشرف: ماشاءالله ابـداع, قمة في المهارات.
===============================
شباب المستـقبل..
============
وبـعـد كـم سنة وبعـد أن اصبح المشرف السـعودي مسـؤول عنهم. . صار سعد ابوعصاقيل اللي ينط السـور بـطل المملكة في الوثب العالي. علي الدب اللي يحذف الكتب من الدرايش صار بطـل اسيا في رمي الجلة, وسلوم اللي يرسم على الجدران اخذ جائزة المركز الأول في الفن التشكيلي على مستوى الخليج....
منقوووول

ترى مرررررررررررررررررررررررررررررررررررررررررررررره حلو هل الموضوع

يفتص ضحك ههههههههههههههههههههههههههههههههههههههههههههههههههههههههههههههههههههههههههههههههه


وانشاء الله يعجب الأعضاء
سيووووووووووووووووووووووووووووووووووووووووووو

مع تحياتي {بنفسج}

هههههههههههههههههههههههههههههههههههههههــ


يسلموو ع الموضووع التحفهـ ..

بصراحهــ....ـ الموضعـ خفيفـ دمـ ......